ទម្លាប់ទាំង៧ របស់សិស្សពូកែ ដែលសិស្សធម្មតាគួរយកគម្រូតាមក្រែងបានរៀនពូកែដូចគេដែរ

ទម្លាប់ទាំង៧ របស់សិស្សពូកែ ដែលសិស្សធម្មតាគួរយកគម្រូតាមក្រែងបានរៀនពូកែដូចគេដែរ ៖

១. គេងគ្រប់គ្រាន់
វាជាកាតាលីករមួយជំរុញការចងចាំបានល្អ ដូចនេះហើយបានសិស្សពូកែភាគច្រើនតែងតែមិនដែលមើលរំលង។

២. របបអាហារទៀងពេល
ទោះបីជារវល់ប៉ុណ្ណា សិស្សពូកែមិនដែលភ្លេចឡើយនូវការបរិភោគអាហារឱ្យទៀងពេល។ វាបានផ្ដល់ទាំងកម្លាំង ទាំងថាមពល និងជំនួយដល់ខួរក្បាលយើងទៀតផង។

៣. អាហារពេលព្រឹក
សិស្សមួយចំនួនតែងតែមិនចាប់អារម្មណ៍ពីអាហារពេលព្រឹក ប៉ុន្តែត្រូវចាំថា អាហារពេលព្រឹកពិតជាសំខាន់ណាស់សម្រាប់ការរស់នៅប្រចាំថ្ងៃរបស់មនុស្ស។ ដូចនេះ បើស្រឡាញ់ខ្លួនឯង ត្រូវញ៉ាំអាហារពេលព្រឹកឱ្យបានជាប្រចាំ។

៤. ហាត់ប្រាណ
មិនបានរាល់ថ្ងៃក៏ពិតមែន តែសិស្សពូកែភាគច្រើននៅតែមិនឱ្យខកខានការហាត់ប្រាណដែរ។ អ្នកខ្លះលេងបាល់ លេងសី ឬសកម្មភាពផ្សេងៗដែលអាចឱ្យពួកគេបញ្ចេញជាតិពុលពីក្នុងខ្លួនបាន។

៥. ក្រេបយកចំណេះបានពេញលេញ
សិស្សពូកែមករៀនទៀងទាត់ ហើយទៀងពេលទៀត ពិសេសមិនដែលបណ្ដោយពេលវេលារសាត់ទៅដោយគ្មានបានទទួលចំណេះនោះទេ មិនថានៅសាលា ឬពេលស្វ័យសិក្សាឡើយ។

៦. មានរបៀបរៀបរយ
ការរស់នៅប្រកបដោយផាសុកភាព កន្លែងគេងក៏ស្អាត តុរៀនក៏មានរបៀប សៀវភៅទុកដាក់យ៉ាងបានយ៉ាងរៀបរយ។

៧. ស្រឡាញ់ខ្លួនឯង
ពួកគេតែងលើកទឹកចិត្ត និងផ្ដល់ស្នាមញញឹមប្រកបដោយក្ដីសង្ឃឹមចំពោះខ្លួនឯងជានិច្ច ទោះស្ថិតក្នុងស្ថានភាពណាក៏ដោយ។

សិស្សពូកែ មិនមែនពូកែតែរៀនទេ តែការរស់នៅក៏មានទម្លាប់ល្អទៀត។ ដូចនេះ បើចង់រៀនពូកែ ត្រូវមានទម្លាប់ល្អសិន។
អត្ថបទ ៖ ប្អូនប្រុស មុន្នី ប៊ុនថុង សិស្សនិទ្ទេស A ឆ្នាំ២០១៩
សម្រាប់លោកអ្នកដែលមានសំណួរ អាចសរសេរនៅក្នុងComment
Adminនឹងធ្វើការជ្រើសរើសយកសំណួរដ៏ជាក់លាក់របស់លោកអ្នកមកបកស្រាយជូន។ សូមអរគុណ🙏