ស្នេហានិងនយោបាយ គឺចិត្តសាស្រ្ត

_រឿងដែលអាសូរ មុនគេគឺស្នេហានាងលីម៉ក់ ឆូវ ព្រោះតែឈឺចាប់ជាមួយប្រុសក្បត់ចិត្តម្នាក់ទៅរៀបការចោលនាង នាងត្រូវរស់នៅក្នុងការឈឹចាប់អស់មួយជីវិត ទោះនាងមានឈ្មោះជាដូនជី លីម៉ក់ឆូវ ហូបអាហារបួសទៅហើយក៏គំនុំនាងគ្មានថ្ងៃរំដោះបាន ការក្បត់ចិត្តរបស់សង្សារនាង នោះគឺព្រោះតែអ្នកគ្រូដូនជីបង្ខំបុរសនោះមិនឲ្យចុះពីលើភ្នំ មិនខុសពីបង្ខំឲ្យបុរសម្នាក់មានចិត្តក្លៀវក្លាជួយសង្គម ធ្វើនយោបាយ តែត្រូវម្តាយក្មេកដាក់លក្ខខណ្ឌជីវិតឲ្យបោះបង់គ្រប់យ៉ាង តែបុរសនោះសុខចិត្តលះបង់ស្នេហា ដើម្បីបំពេញបំណងប្រឡូកក្នុងពិភពគុន ដើរទៅតាមមនោគតិរបស់ខ្លួន ។ អ្វីដែលកាន់តែឈឺចាប់នោះ ដូនជីលីម៉ក់ឆូវ ត្រូវបុរសជាសង្សារកុហកម្តងហើយម្តងទៀត ទើបនាងសម្រេចចិត្តតាមសម្លាប់មួយគ្រួសារ របស់សង្សារក្បត់ចិត្ត សម្លាប់ៗ ជ្រុលដៃឲ្យតែនរណាមកជួយហាមឃាត់ គឺដូនជីសម្លាប់ទាំងអស់ នេះហៅថា ឈ្មោះបានបួស តែចិត្តមិនបានបួសដាក់ចុះការឈឺចាប់នោះទេ (ព្រោះតែភាពផ្តាច់ការអ្នកជំនាន់មុន បានធ្វើឲ្យអ្នកជំនាន់ក្រោយសាហាវព្រៃផ្សៃ រងគ្រោះគ្មានក្តីសុខរហូត កំហុសអ្នកមុន បន្សល់ទុកឲ្យអ្នកក្រោយឈឺចាប់)

-ស្នេហានាង សៀវឡុងនី នាងជានារីធំដឹងក្តីតែក្នុងផ្នូរមនុស្សរស់ បន្តពីជំនាន់អ្នកគ្រូដូនជី​ (នាងជាសិស្សរួមគ្រូរបស់ដូនជីលីម៉ក់ឆូវ) តែបណ្តាំគ្រូនាងផ្តាំ សៀវ ឡុងនីថា បុរសក្នុងលោកនេះ គ្មានបុរសណាល្អនោះទេ តែបើបុរសណាហ៊ានស្លាប់ជំនួសនាង ចូរនាងទទួលគេជាប្តីទៅ ហើយអាចចាកចេញពីផ្នូរមនុស្សរស់នោះបាន ។ ព្រោះតែទម្លាប់មិនដែលចេញពីផ្ទះ(ផ្នូរមនុស្សរស់) នាងបានជួបស្នេហាពិត ទាំងដែលជាស្នេហាកើតឡើងឥតព្រៀងទុក ជាមួយកូនសិស្ស(យ៉ាង គួ) ធ្វើឲ្យមានភាពថ្នាំងថ្នាក់មិនចេះចប់ ។ តាមពិតជាកំហុសអ្នកផ្សេង (សច្ចំម្នាក់ អ្នកបួសតែចិត្តមិនបួស) បានឆ្លៀតឱកាស បំពានរាងកាយនាងសៀវ ឡុងនី ។​នាងស្មានថា យ៉ាងគួ ក៏បណ្តោយខ្លួនឲ្យអស់ព្រហ្មចារីនាពេលនោះ ក្រោយពីយ៉ាងគួ មកពីហាត់គុនវិញ មិនដឹងរឿង ត្រូវសៀវឡុងនី មានចេតនាឲ្យឈប់ហៅ អ្នកមីង ហៅជាប្រពន្ធវិញ ព្រោះតែយ៉ាងគួ មិនដឹងខ្យល់នៅតែហៅ មីងៗ ដដែល។ មិនយល់ពីក្តីស្រឡាញ់ រាងកាយត្រូវបាត់បង់ភាពបរិសុទ្ធ ម្ខាងៗសុទ្ធតែគិតសន្និដ្ឋានរៀងៗខ្លួន ទើបយល់ច្រឡំឈ្លោះគ្នា នាងសៀវឡុងនីរត់ទៅក្នុងផ្នូរមនុស្សរស់វិញ ធ្វើឲ្យយ៉ាងគួ តាមរកគ្រប់ច្រកល្ហកហើយមិននឹកស្មានថា នាងរត់ទៅផ្ទះរបស់នាងសោះ ។ ក្រោយមកបានជួបគ្នា ព្រោះតែនាងដេកនឹកគេមិនអស់ចិត្ត នាងសៀវឡុងនីក៏ចេញមករក យ៉ាងគួ ពេលនោះយ៉ាងគួ សម្រេចហៅនាងជាប្រពន្ធ ប៉ុន្តែរឿងតិចតួច នាងចង់បង្ខំឲ្យយ៉ាងគួ ទៅនៅក្នុងផ្នូរមនុស្សរស់ជាមួយ(តាមតែចិត្តខ្លួនឯង ) ទីបំផុតនាងក៏ត្រូវឈឺចិត្តវេទនាម្នាក់ឯង ខ្លាំងជាងយ៉ាងគួដែលនឹកហៅរកអ្នកមីងរហូត យ៉ាងគួ នៅតែចង់រស់នៅខាងក្រៅ ដោយសន្យានាំអ្នកមីងដើរលេងគ្រប់ទីកន្លែងសប្បាយជាមួយគ្នាវិញ មិនចង់ឲ្យនាងនៅតែក្នុងផ្ទះនោះទេ ។
(អ្វីទៅស្នេហា ទាំងអាចារ្យ អ្នកបួស អ្នកលេងនិងអ្នកមែន)

-ងាកមកនយោបាយ គឺប្រៀបដូចជា នយោបាយផ្អែកលើកុម្មុយនីស និង នយោបាយផ្អែកលើសេរីភាព
កុម្មុយនីសបង្ខំមនុស្សឲ្យ រស់នៅក្នុងផ្នូរមនុស្សរស់ មិនស្គាល់អ្វីទៅពិភពលោកខាងក្រៅ មនុស្សរស់នៅ តែពោរពេញដោយទុក្ខសោកប្រៀបដូចជាស្លាប់ទៅហើយ ព្រោះគេ មិនហ៊ាននិយាយស្តីចេញពីចិត្ត ក្នុងគំនិតក៏ទៅជាវិកល ផ្នូរមនុស្សរស់ នោះ ប៉ុន្មានម៉ឺនពាន់ឆ្នាំក៏មិនរីកចម្រើនដែរ ដោយការប្រកាន់ទម្លាប់ចាស់ មិនមើលពីការរីកចម្រើននៅខាងក្រៅគេដល់ណា?

-នយោបាយសេរី ថ្វីត្បិតការប្រឡូកវាលំបាក ជួបប្រទះរឿងជាច្រើន ប៉ុន្តែឆាកជីវិតមនុស្សម្នាក់ៗមានសេរីភាព ធ្វើនូវអ្វីដែលខ្លួនចូលចិត្ត តាមរយៈជួយសង្គ្រោះ មនុស្សធម៌ គុណធម៌ ប្រកួតប្រជែងគ្នាដើម្បីស្នាដៃ ដើម្បីឆន្ទៈ ធ្វើឲ្យម្នាក់ៗចេះប្រឹងប្រែងដោយឥតព្រំដែនកំណត់ សេចក្តីសុខគឺឋិតលើពួកគេជ្រើសរើសទៅតាមអ្វីដែលគេចង់បាន។

-ទាំងស្នេហា និងអ្នកនយោបាយ តើអ្នកចង់បានបែបណាក្នុងបទពិសោធន៍នេះ?

mind set of women , អារម្មណ៍របស់មនុស្សស្រី

នៅពេលដែល ស្ត្រីម្នាក់និយាយថា #នាងហត់នឿយណាស់ នោះមិនមែនមានន័យថា នាងចង់បោះបង់កូននាងចោលនោះឡើយ នាងគ្រាន់តែចង់និយាយពីអារម្មណ៍ដែលនាងពេលនេះ នាងគ្រាន់តែចង់បន្ធូរអារម្មណ៍នាងតែប៉ុណ្ណេាះ។

- នៅពេលដែល ស្ត្រីម្នាក់និយាយថា #នាងចង់មានពេលវេលាផ្ទាល់ខ្លួន នោះមិនមែនមានន័យថា នាងស្ដាយក្រោយដែលនាងមានកូននោះទេ។

- នៅពេលដែល ស្ត្រីម្នាក់និយាយថា #នាងត្រូវការជំនួយ នោះមិនមែនមានន័ថា នាងទន់ខ្សោយ ឬនាងមិនអាចធ្វើបាននោះឡើយ នាងគ្រាន់តែចង់ដឹងថា តើមាននរណាខ្លះ ដែលនៅពីក្រោយនាង អាចជួយនាងបានតែប៉ុណ្ណេាះ។

- នៅពេលដែល ស្ត្រីម្នាក់និយាយថា #នាងចង់ដើរផ្សារជាមួយមិត្តភក្តិ នោះមិនមែនមានន័យថា នាងភ្លេចថានាងមានប្ដី មានកូននោះឡើយ តែនាងគ្រាន់តែចង់ជួបជុំមិត្តភក្តិម្ដងម្កាលតែប៉ុណ្ណេាះ។

- នៅពេលដែល ស្ត្រីម្នាក់និយាយថា #នាងមានPartyជាមួយមិត្តភក្តិ មិនមែនមានន័យថា នាងគិតថានាងនៅលីវ ឬនាងភ្លើតភ្លើននោះទេ នាងគ្រាន់តែមិនចង់ចោល កម្មវិធីរបស់មិត្តជិតស្និទ្ធនាងតែប៉ុណ្ណេាះ។

- នៅពេលដែលអ្នកឃើញស្ត្រីម្នាក់យំចំពោះមុខអ្នក មិនមែនមានន័យថា នាងសម្ដែងនោះទេ តែប្រហែលវាត្រឹមតែ20%នៃអារម្មណ៍តានតឹង ដែលនាងអាចបញ្ចេញមកតែប៉ុណ្ណេាះ។

- នៅពេលដែល ស្ត្រីម្នាក់ស្រែកគំហក និយាយសម្ដីខ្លាំងៗចេញមក អាចមិនមែនមកពីនាងឆេវឆាវ ឆាប់ខឹងទេ តែវាប្រហែលជា មកពីនាងធ្លាប់និយាយសម្ដីធម្មតាៗ ដដែលៗ មិនក្រោម100ដងឡើយ។

- នៅពេលដែល ស្ត្រីម្នាក់សុខចិត្តដើរចេញ ដោយមិននឹកស្ដាយអ្វីសោះនោះ មិនមែនមានន័យថា នាងចិត្តដាច់ ឬមិនខ្វល់នោះទេ តែអាចមកពីនាង ខ្វល់ឆ្អែតឆ្អន់ សមល្មមនឹងនាងត្រូវធ្វើចិត្តដាច់ ហើយដើរចេញយ៉ាងស្ងៀមស្ងាត់ហើយ។

គេថា " ស្ត្រីជាភេទទន់ខ្សោយ " តែបើគិតឱ្យដល់ទៅ កម្រិតនៃការឈឺចាប់ដែលមនុស្សស្រីអាចទ្រាំទ្របាន គឺវាច្រើនលើសលប់ លើសពីអ្វីដែលមនុស្សប្រុសធ្វើបានរាប់រយដង។ តែអ្វីដែលគេនិយាយគឺ គ្រាន់តែសំដៅដល់ភាពទន់ខ្សោយនៃកម្លាំងកាយតែប៉ុណ្ណេាះ តែនាងមានច្រើនលើសលប់នោះគឺ #កម្លាំងចិត្ត ៕

​ផ្នត់គំនិតទាំង ១០ របស់មហាសេដ្ឋី​, mindset of millionaires

គ្រប់មហាសេដ្ឋី​ទាំងអស់​មាន​ផ្នត់គំនិត ១០ ដូចគ្នា​អំពី​ទ្រព្យសម្បត្តិ​
​១- មិន​ចាត់ទុក​បរាជ័យ​ជា​បរាជ័យ​
​ ​មហាសេដ្ឋី និង​អ្នកមាន​មិន​ចាត់ទុក​បរាជ័យ​ជា​បរាជ័យ ហើយ​ថា​អ្វីៗ​គ្រប់យ៉ាង​គឺ​ចប់​អស់ហើយ​នោះទេ​។ ផ្ទុយ​មកវិញ ពួកគេ​បានត្រឹមតែ​មើលឃើញ​បរាជ័យ​ជា​ឧបសគ្គ​រារាំង​មួយ​ចំពោះ​ភាពជោគជ័យ និង​ជា​ឱកាស​មួយ​ដើម្បី​រៀនសូត្រ​ពី​វា​ប៉ុណ្ណោះ​។ មហាសេដ្ឋី​ទាំងអស់​ធ្លាប់​បរាជ័យ​រាប់មិនអស់​ក្នុងការ​ស្វែងរក​ទ្រព្យសម្បត្តិ​មហាសាល​របស់ខ្លួន ប៉ុន្តែ​ពួកគេ​ចាត់ទុក​បរាជ័យ​ជា​ឱកាស​រៀនសូត្រ​មួយ​ដើម្បី​ជួយ​ពួកគេ​ឱ្យ​សម្រេច​ក្តី​សុបិន និង​គោលដៅ​របស់​ពួកគេ​។ លោក​ហង់​រី ហ្វ​ត (Henry Ford) បាន​និយាយ​សង្ខេប​យ៉ាងខ្លី​ថា "​បរាជ័យ​គឺ​គ្រាន់តែ​ជា​កន្លែង​សម្រាក​មួយ​ប៉ុណ្ណោះ​។ វា​ជា​ឱកាស​ដើម្បី​ចាប់ផ្តើម​ម្តងទៀត​ឱ្យ​កាន់តែ​ឆ្លាត​វៃ​ជាង​មុន​"​។

​ ​២- មិនចេះ​ចុះចាញ់​
​ ​រាល់​សេដ្ឋី​ទាំងអស់​មាន​ភាព​អំណត់​តស៊ូ​មិនគួរ​ឱ្យ​ជឿ រហូតដល់​ចំណុច​មួយ​ញៀន​នឹង​ការតស៊ូ​សឹង​ដកចិត្ត​មិន​រួច​ទៀតផង​។ ប៉ុន្តែ​ផ្នត់គំនិត​នេះហើយ​ដែល​ជួយ​ពួកគេ​ឱ្យទៅដល់​កន្លែង​ដែល​ពួកគេ​ចង់ទៅ​។ ពួកគេ​ប្តេជ្ញាចិត្ត​សម្រេច​ទស្សនៈវិស័យ និង​គោលដៅ​របស់ខ្លួន​ឱ្យបាន ហើយ​នឹងមិន​ចុះចាញ់​នោះទេ ដរាបណា​ពួកគេ​អាច​សម្រេចបាន​ជោគជ័យ​។ លោក​ស្ទី​វ ចប​បាន​និយាយ​ទាក់ទង​នឹង​ការតស៊ូ​យ៉ាង​ដូច្នេះ​ថា "​ខ្ញុំ​ជឿថា ពាក់កណ្តាល​នៃ​អ្វីដែល​ញែក​ដាច់​សហគ្រិន​ជោគជ័យ​ចេញពី​មនុស្ស​មិន​ជោគជ័យ គឺ​ការតស៊ូ​ដ៏​បរិសុទ្ធ​អស់ពី​ចិត្ត​"​។

​ ​៣- ហ៊ាន​សុបិន​ធំ​
​ ​ប្រសិនបើ​អ្នក​មិន​កំណត់​ក្តី​សុបិន​ខ្លួនឯង​ឱ្យ​ធំ​នោះទេ អ្នកនឹង​មិនអាច​សម្រេច​ក្តី​សុបិន​ដូច​បំណង​ឡើយ​។
ប្រសិនបើ​អ្នក​ចង់​ក្លាយជា​មហាសេដ្ឋី​អ្នក​ត្រូវតែកំណត់​ទស្សនៈវិស័យ​ខ្លួនឯង​ឱ្យ​ខ្ពស់ ប្រឹងប្រែង​ឱ្យ​ខ្លាំង និង​មាន​ភាព​ឆ្លាត​វៃ​ក្នុងការ​ធ្វើឱ្យ​សុបិន​របស់ខ្លួន​ក្លាយជា​ការពិត​។ លោក​ដូ​ណា​ល់ ត្រាំ បាន​និយាយថា "​ខ្ញុំ​ចូលចិត្ត​គិត​ធំ​។ ប្រសិនបើ​អ្នក​ចង់​គិតពី​អ្វីមួយ អ្នក​ត្រូវតែ​គិត​ឱ្យ​ធំ​"​។

​ ​៤- បណ្តុះ​គំនិត​ស្រឡាញ់​ទ្រព្យសម្បត្តិ​
​ នរណា​ក៏ដោយ​ដែលមាន​ទ្រព្យសម្បត្តិ​គឺ​សុទ្ធតែ​បាន​បណ្តុះ​ផ្នត់គំនិត​ឱ្យ​ចេះ​ស្រឡាញ់​លុយ​។ ពួកគេ​ជឿថា ការដែល​មានទ្រព្យ​សម្បត្តិ​គឺជា​រឿង​ដ៏​ប្រពៃ​។ ពួកគេ​មាន​ផាសុកភាព​ជាមួយ​លុយ​។
ពួកគេ​មាន​ផាសុកភាព​ក្នុងការ​ចាយវាយ​វា​។ និយាយ​ជារួម ពួកគេ​ស្រឡាញ់​លុយ​។ ប្រសិនបើ​អ្នក​មិន​អភិវឌ្ឍ​ផ្នត់គំនិត​ខ្លួនឯង​ឱ្យ​ចេះ​ស្រឡាញ់​លុយ អ្នកនឹង​មិនអាច​ពូន​ផ្តុំ​វា​ឱ្យ​គរ​ដូច​ភ្នំ​បានទេ​។

​ ​៥- បង្កើត​ជោគវាសនា​ដោយ​ខ្លួនឯង​
​ ពួក​មហាសេដ្ឋី​ជឿថា​ពួកគេ​អាចបង្កើត​អនាគត​របស់ខ្លួន​បាន ដោយ​ប្រើប្រាស់​ការបញ្ចូល​គ្នា​រវាង​គំនិត និង​សកម្មភាព​ទ្រង់ទ្រាយ​ធំ​។
នេះ​គឺជា​ភាពខុសគ្នា​ដ៏​ធំ​មួយ​ចំពោះ​ពលរដ្ឋ​ធម្មតា ដែល​ត្រេ​ត​ត្រត​ពេញ​មួយជីវិត​ជាមួយនឹង​ជំនឿ​ថា ជីវិត​មនុស្ស​ម្នាក់ៗ​សុទ្ធតែ​ទេវតា​កំណត់​ជោគវាសនា​រួចទៅហើយៗ​គិតថា​ពួកគេ​គួរតែ​ទទួលយក "​នូវ​អ្វី​ដែលមាន​ក្នុង​ជីវិត​គឺ​បាន​ហើយ​"​។

​ ​៦- ចូលចិត្ត​បទពិសោធន៍​បរាជ័យ​
​មិន​ថា​ទទួលបាន​ជោគជ័យ​ឬ​បរាជ័យ​នោះទេ គឺថា​មហាសេដ្ឋី​ទាំងអស់​សុទ្ធតែ​ទទួលស្គាល់​រាល់​លទ្ធផល​របស់ខ្លួន​។ សូម្បី​នៅពេល​ពួកគេ​ឆ្លងកាត់​បរាជ័យ និង​ឧបសគ្គ​ជាច្រើន​ក៏ដោយ ក៏​ពួកគេ​នៅតែ​អាច​ទ្រាំទ្រ​បាន
ព្រោះ​ពួកគេ​ចូលចិត្ត​បទពិសោធន៍​បែបនេះ​។ ពួកគេ​ចូលចិត្ត​វា​ដោយសារតែ​កត្តា​ចិត្តសាស្ត្រ​។ វា​រំឭក​ទៅដល់​ចិត្តគំនិត​របស់​ពួកគេ​ថា ពួកគេ​មាន​ថាមពល​ដើម្បី​ប្រែក្លាយ​លទ្ធផល​អវិជ្ជមាន​ឱ្យទៅជា​វិជ្ជមាន​វិញ​បាន​។

​ ​៧- មិន​ខ្លាច​ការប្រថុយប្រថាន​
​ មហាសេដ្ឋី​ទាំងអស់​ប្រថុយប្រថាន​យកលុយ​ធ្វើ​អ្វីមួយ​ដើម្បី​ផលចំណេញ​។ តើ​អ្នក​ហ៊ាន​ទេ​? ការប្រថុយប្រថាន​នេះ​មិនមែន​មានន័យថា​ពួកគេ​មិនចេះ​ប្រយ័ត្នប្រយែង​ជាមួយនឹង​លុយ​របស់​ពួកគេ​នោះទេ
ប៉ុន្តែ​ពួកគេ​ពុំមាន​ផ្នត់គំនិត​ខ្លាច​ខាតបង់​នោះទេ នៅពេល​មើលឃើញ​ឱកាសល្អៗ​នៅខាងមុខ​។

​ ​៨- ជឿជាក់ថា​មានទ្រព្យ​សម្បត្តិ​មហាសាល​នៅ​គ្រប់​ទីកន្លែង​
​ ​ពួកគេ​ជឿថា​មានទ្រព្យ​សម្បត្តិ​មហាសាល​នៅ​គ្រប់​ទីកន្លែង​ក្នុង​ចក្រវាល​នេះ​។ ពួកគេ​ជឿថា ទ្រព្យសម្បត្តិ​គឺមាន​គ្រប់គ្រាន់​សម្រាប់​មនុស្ស​គ្រប់គ្នា តែ​រឿង​ផ្ទុយស្រឡះ​ទាំងស្រុង​ពី​មនុស្ស​ធម្មតា ដែល​ជឿថា​លុយ​គឺ​ពិបាក​នឹង​រក​ខ្លាំងណាស់​។

​ ​៩- IQ និង​ការអប់រំ​គ្មានអ្វី​អស្ចារ្យ​
​ ​លុយ​មិនដែល​ខ្វល់​អំពី​លក្ខណៈសម្បត្តិ​នៃ​ការអប់រំ សញ្ញាប័ត្រ ឬ IQ នោះទេ​។ លុយ​រត់ទៅរក​អ្នក​ដែល​ស្វែងរក​ឱកាស និង​បង្កើត​តម្លៃ​ដល់​មនុស្ស
ហើយ​មហាសេដ្ឋី​ទាំងអស់​ដឹង និង​ជឿថា នេះហើយ​គឺជា​របៀប​កៀរគរ​ទ្រព្យសម្បត្តិ​។ ពួកគេ​ដឹងថា មានតែ​ទីផ្សារ​ប៉ុណ្ណោះ​ដែល​កំណត់ថា​ទ្រព្យសម្បត្តិ​ទៅដល់​កន្លែង​ណា
ហើយ​ប្រសិនបើ​អ្នក​អាច​ចាប់យក​ឱកាស​បង្កើត​ទីផ្សារ​បាន​ហើយ​នោះ អ្នកនឹង​អាចបង្កើត​ទ្រព្យសម្បត្តិ​បាន​ជាមិនខាន​។

​ ​១០- ពួកគេ​ជឿថា​ទ្រព្យសម្បត្តិ​នឹងរ​ត់រក​ពួកគេ​ប្រសិនបើ​ជួយ​អ្នកដទៃ​
​ ​ប្រសិនបើ​អ្នក​ជួយ​មនុស្ស​បាន​គ្រប់គ្រាន់​ដើម្បី​ដោះស្រាយ​បញ្ហា​ជាក់លាក់​ណាមួយ​របស់​ពួកគេ ហើយ​អ្នក​អាចធ្វើ​វា​បាន​ក្នុង​ទំហំ​ធំ​ល្មម​នោះ អ្នកនឹង​អាចបង្កើត​ទ្រព្យសម្បត្តិ​រឹតតែ​ច្រើន​។
ពួក​មហាសេដ្ឋី​ដឹង​និង​ជឿថា​ប្រសិនបើ​ពួកគេ​អាចជួយ​មនុស្ស​បាន​គ្រប់គ្រាន់​ដើម្បី​ទទួលបាន​នូវ​អ្វីដែល​ពួកគេ​ចង់បាន ពួកគេ​នឹង​អាចបង្កើត​បានទ្រព្យ​សម្បត្តិ​ដ៏​មហាសាល​ជាមិនខាន
ដោយសារ​អ្នក​ទាំងនោះ​នឹងមាន​ជី​វិភាព​ធូរធារ​និង​ប្រែក្លាយជា​អតិថិជន​របស់​ពួកគេ​វិញ​។

​ ​អ្នក​បានដឹង​ហើយ​ឥឡូវនេះ​ថា​មហាសេដ្ឋី​គឺជា​ប្រភេទ​មនុស្ស​ពិសេស​កម្រិតណា​។ មហាសេដ្ឋី​ទាំងអស់​លើ​ពិភពលោក​សុទ្ធ​តែមាន​ផ្នត់គំនិត​អំពី​ទ្រព្យសម្បត្តិ​ខាងលើ​ដូចគ្នា​ទាំងអស់
ដែល​មនុស្ស​ធម្មតា​មិនមាន​ដូច​នោះទេ​។ នៅពេល​សម្រប​យកតាម​ផ្នត់គំនិត​ទាំងអស់នេះ​សូមកុំ​យល់ថា​ខ្លួន​អ្នកនឹង​ក្លាយជា​មហាសេដ្ឋី​ឱ្យសោះ​។ វា​គ្រាន់តែ​ជា​មូលដ្ឋានគ្រឹះ​មួយ​ជួយ​ឱ្យ​អ្នក​ចាប់ផ្តើម​កៀរគរ​ទ្រព្យសម្បត្តិ​ប៉ុណ្ណោះ ហើយ​អ្នកនឹង​មើលឃើញ​មានការ​ផ្លាស់ប្តូរ​ដ៏​ធំ​មួយ​ចេញពី​ការ​អនុវត្តតាម​ផ្នត់គំនិត​ទាំងនេះ​។ ជា​ចុងក្រោយ អ្វីៗ​គឺ​អាស្រ័យ​លើ​លោកអ្នក​ប៉ុណ្ណោះ​ថា​តើ​ចង់​ផ្លាស់ប្តូរ​ខ្លួនឯង​ដើម្បី​ចាប់យក​ឱកាស​ជោគជ័យ​ឬក៏​អត់​៕

The 9 Books You Should Read Before You Turn 30

George R.R Martin once said; “A reader lives a thousand lives. The man who never reads lives one" Will you like to live a thousand years in just one?

Then, read good books. But, which books should you read? There are thousands of good books out there but we have handpicked 9 of the best we think you should read before you’re 30. These 9 are not necessarily the best, but in our opinion, they are books you should read again and again. Welcome to Success Secrets TV and consider subscribing if you’re new here because we’ll help you to discover secrets of success from good books and great people. These are 9 books we think you should read before you turn 30;

Frannce vs Moldova 2-1 - All Gоals & Extеndеd Hіghlіghts 2019

PorttugaI vs Iithuannia 6-0 - All Goals & Highlights - 2019

CR7 the best performance and the best of the world. The king PTG and football but Sarri things he is injured and old man. I think the Sarri don’t know. Sarri get out JUT in the future 1000%....CR7 effect to Sarri.

Everything was good until their stupid e-game... who the heck cares about it?! Idiots... And CR7 is the best ever!!!

ក្តីសង្ឃឹម១%

ក្តីសង្ឃឹម១% នរណាៗក៏មានបញ្ហានៅក្នុងជីវិតដែរ (បញ្ហាគ្រួសារ អំពើហិង្សា បាត់បង់មនុស្សជាទីស្រឡាញ់ បែកបាក់ស្នេហា ជំងឺផ្ទាល់ខ្លួនជាដើម...។ គ្រាន់តែទំហំនៃបញ្ហាវាខុសគ្នា ឬថាវាកើតឡើងនៅក្នុងកាលៈទេសៈមិនដូចគ្នា ហើយរបៀបនៃការតតាំងនឹងស្ថានភាពនៃបញ្ហានីមួយៗក៏ខុសៗគ្នាទៅតាមហ្នឹងដែរ។ អ្នកខ្លះក៏យកការឈឺចាប់មកធ្វើជាកម្លាំងជំរុញខ្លួនទោះបីជាវាលំបាកខ្លាំង ប៉ុន្តែអ្នកខ្លះក៏យកវាមកធ្វើជាលេស ហើយបណ្ដោយឱ្យខ្លួនឯងធ្លាក់ទឹកចិត្តពីមួយថ្ងៃទៅមួយថ្ងៃ។ ស្ថានភាពជីវិតបែបនេះគឺយ៉ាប់យ៉ឺនទៅៗ លំបាកបន្ដិចបន្ទួចក៏ចាប់ផ្ដើមខ្ជិលប្រឹង គឺបើដួលហើយក៏បន្លំជាដេកខ្ជិលក្រោក ខ្ជិលងើបឡើងម្ដងទៀត។ អ្វីដែលគេធ្វើបានគឺស្រែកថា "ហេតុអ្វីពិភពលោកនេះតូចចង្អៀតម្ល៉េះសម្រាប់ខ្ញុំ? ហេតុអ្វីជីវិតខ្ញុំលំបាកម្ល៉េះ? ហេតុអ្វីក៏ពិភពលោកនេះអយុត្ដិធម៌ម្ល៉េះចំពោះរូបខ្ញុំ?" ប៉ុន្តែសម្រាប់មនុស្សដែលក្រោកឡើងតតាំង ឬប្រឈមមុខជាមួយបញ្ហា ចុងក្រោយគេក៏អាចក្លាយជាមនុស្សរឹងមាំ និងមានឥទ្ធិពលវិជ្ជមានសម្រាប់មនុស្សនៅជុំវិញខ្លួនគេ។

យើងអាចមានហេតុផលរាប់ពាន់ក្នុងការបន្ទោសពិភពលោក បន្ទោសអ្នកដទៃ បន្ទោសអ្វីគ្រប់យ៉ាងនៅក្នុងជីវិត លើកលែងតែបន្ទោសខ្លួនឯង ប៉ុន្តែការពិតទៅគឺមានតែយើងខ្លួនឯងប៉ុណ្ណោះដែលអាចរំដោះខ្លួនចេញពីពិភពដ៏ងងឹតនេះបាន។ ពពកខ្មៅក៏គង់នឹងរសាត់បាត់ទៅដោយឆ្លងកាត់ពេលវេលាមួយ ហើយពន្លឺនៃព្រះអាទិត្យក៏នឹងមកបំភ្លឺភពផែនដីម្តងទៀតដោយត្រូវរង់ចាំពេលវេលាមួយ។ មួយថ្ងៃមាន២៤ម៉ោង ក្នុងនោះ១២ម៉ោងគឺពេលយប់ និង១២ម៉ោងទៀតគឺពេលថ្ងៃ។ មិនថាយើងធ្លាក់ក្នុងស្ថានភាពដ៏លំបាកយ៉ាងណា ដរាបណាយើងមានក្តីសង្ឃឹមខ្លះនៅសេសសល់ មិនថាវាតិចត្រឹមកម្រិតតែ១% ដែលយើងមិនបោះបង់ខ្លួនឯង និងក្តីស្រមៃ ហើយតស៊ូគ្រប់ឧបសគ្គដើម្បីឆ្លងផុតពីទុក្ខលំបាកទាំងនោះ មិនយូរមិនឆាប់ជីវិតគង់នឹងអាចមាននូវរស្មីឡើងវិញមិនខានឡើយ...៕

អត្ថបទដោយថាវរី
កែសម្រួលដោយ កូនចាបមាស

ខ្មុកម្រ័ក្សណ៍ ឬ​របាំង​មុខ

ខ្មុកម្រ័ក្សណ៍ ឬ​របាំង​មុខ គឺជា​វត្ថុ​សិល្បៈ​បុរាណ​ខ្មែរ​មួយ​ប្រភេទ​ដែល​ទទួល​បាន​ការ​ពេញនិយម​នា​អំឡុង​សម័យ​លង្វែក​ដែល​គេ​ធ្វើ​ភាគច្រើន​គឺ​សម្រាប់​តួអង្គ​នៅក្នុង​រឿង​រាមកេរ្តិ៍ និង​រឿង​រាម​ឥសូរ មាន​ដូចជា​ហនុមាន ព្រះរាម ព្រះលក្ខណ៍ ក្រុង​រាពណ៍ ពលស្វា ពលយក្ស​ជាដើម។

មុន​នឹង​ចាប់ផ្តើម​ធ្វើ​ខ្មុក​មួយ​បាន​គេ​ត្រូវ​ស្វែង​យល់​ជា​មុន​សិន​ថា តើ​គេ​ចង់​ធ្វើ​ខ្មុក​សម្រាប់​តួអង្គ​មួយ​ណា។ វា​ជា​ការ​ចាំបាច់​ណាស់​ក្នុង​ការ​យល់​ពី​ទម្រង់​មុខ​របស់​តួអង្គ​ឲ្យ​បាន​ច្បាស់លាស់​ហើយ​ដើម្បី​យល់​ពី​ទម្រង់​មុខ​របស់​តួអង្គ​មួយ​បាន​គេ​ត្រូវ​គូរ​រូប​របស់​តួអង្គ​នោះ​ដាក់​ទៅលើ​ក្រដាស​ជា​មុន​សិន។ បន្ទាប់​មក​គេ​ចាប់ផ្តើម​ធ្វើ​ពុម្ព​សម្រាប់​ខ្មុក​តួអង្គ​នោះ។

ពុម្ព​សម្រាប់​ធ្វើ​ខ្មុក​មាន​ពីរ​ប្រភេទ​គឺ ពុម្ពញី និង​ពុម្ព​ឈ្មោល ប៉ុន្តែ​ខ្មែរ​យើង​និយម​ប្រើ​ពុម្ព​ញី​ច្រើន​ជាង​ពុម្ព​ឈ្មោល​ដោយ​ហេតុ​ថា​វា​អាច​ប្រើប្រាស់​បាន​យូរ​ជាង។

ការ​ចាក់​ពុម្ព​ខ្មុក​មាន​លក្ខណៈ​ស្រដៀង​ទៅ​នឹង​ការ​ចាក់​បេតុង​ដែរ​ដោយ​ក្រោយ​មក​គេ​ត្រូវ​បក​យក​ពុម្ព​ស៊ីម៉ងត៍​លាយ​ជាមួយ​ខ្សាច់ និង​ដែក​ចេញ​អំពី​ពុម្ព​ដីឥដ្ឋ ហើយ​យើង​ត្រូវ​យក​ពុម្ព​នោះ​ទៅ​ត្រាំ​ទឹក​ចោល​ត្រៀម​សម្រាប់​ការ​ស្មាច់។

សម្រាប់​ការស្មាច់​គេ​ត្រូវការ​សម្ភារ​ផ្សេង​ទៀត​រួមមាន ក្រដាស​រ៉ាម ជក់ និង​បាយម៉ាន​ពិសេស​ម៉្យាង​ដែល​ធ្វើ​ចេញ​ពី​ម្សៅ​ឆា​កូរ​ជាមួយ​ទឹក។ ក្នុង​ការ​ស្មាច់​ដំបូង​គេ​ត្រូវ​យក​ក្រដាស​មួយ​សន្លឹក​ជ្រលក់​ទឹក​រួច​ពាស​ឲ្យ​ពេញ​ផ្ទៃ​ពុម្ព​ខាង​ក្នុង។ បន្ត​មក​ទៀត​គេ​ត្រូវ​យក​ក្រដាស​ម្តង​មួយ​សន្លឹក​មក​ពាស​បន្ត​ទៀត​ដោយ​ប្រើ​បាយម៉ាន។ រាល់​ការ​ពាស​ក្រដាស​មួយ​សន្លឹក​គេ​រាប់​ថា​មួយ​ជាន់។ គេ​ត្រូវ​ធ្វើ​បែប​នេះ​ឲ្យ​បាន​ពី ៣០ ទៅ ៥០ ជាន់​អាស្រ័យ​តាម​គុណភាព​ខ្មុក​ដែល​យើង​ចង់​បាន។

នៅពេល​យើង​ស្មាច់​គ្រប់​កម្រាស់​ដែល​យើង​ចង់​បាន​ហើយ​ទើប​យើង​យក​ពុម្ព​ដែល​ស្មាច់​រួច​ទៅ​ហាល​ក្នុង​ម្លប់​រយៈពេល​មួយ​ថ្ងៃ​ទើប​ក្រដាស​ខាំ​ជាប់​ជាមួយ​បាយម៉ាន​បាន​ល្អ​ដែល​អាច​ឲ្យ​យើង​គាស់​សាច់​ក្រដាស​ចេញ​ពី​ពុម្ព​នោះ​បាន។

បន្ទាប់​មក ​យើង​យក​របាំង​មុខ​ក្រដាស​ដែល​គាស់​ចេញ​ពី​ពុម្ព​នោះ​ទៅ​សម្អាត និង​កាត់​បិទ​ផ្នែក​ខ្លះៗ​ទៀត​ដែល​ចាំបាច់​រួម​មាន ត្រចៀក ចង្កូម មកុដដើម ទើប​យើង​យក​រូប​នោះ​ទៅ​លាប​ទ្រនាប់ និង​ដាក់​ពណ៌។

ចំពោះ​របាំង​មុខ​មួយ​អាច​ចំណាយ​ពេល​ពី ១ ទៅ ២ ឬ ៣ សប្តាហ៍​ដើម្បី​សម្រេច​បាន។

តាមពិតប្រម៉ាត់ប្រម៉ង់ គឺពួកយួនកាលពីជំនាន់វៀតមិញ

បងប្អូនដែលធ្លាប់មើលរឿងខ្មែរ និងអានសៀវភៅខ្លះ ប្រាកដជាធ្លាប់លឺពាក្យថា ប្រម៉ាត់ប្រម៉ង់ហើយ។ តាមពិតប្រម៉ាត់ប្រម៉ង់ គឺពួកយួនកាលពីជំនាន់វៀតមិញ ពួកវាបានចាប់ក្មេងៗ ពីស្រុកខ្មែរយ៉ាងច្រើនដើម្បីយកទៅបំពាក់បំប៉នមនោគមន៍ លាងខួរក្បាលឱ្យបម្រើយួន ដើម្បីឱ្យមកសម្លាប់ខ្មែរ។

ហើយក្មេងអស់នេះក្រោយពេលចូលដល់សម័យយៀកកុង ពួកនេះត្រូវបានគេហៅថា អតីតវៀតមិញ ក្នុងនោះមានដូចជា #ប៉ែនសុវណ្ណ ជាដើមត្រូវបានយួនបញ្ជួនឱ្យ មកធ្វើការជួរខ្មែរក្រហម តែក្រោយមកទៀត ក្រុមអតីតវៀតមិញទាំងនេះត្រូវបាន ប៉ុលពត ប្រើល្បិចកម្ទេចចោលជាបណ្ដើរៗរហូតស្ទើរអស់ឬសគល់ តែមានក្រុមខ្លះបានដឹងខ្លួនទាន់ ដូចជា ប៉ែនសុវណ្ណជាដើម ដែលបានរត់គេចខ្លួនទៅ #ហាណូយ ដើម្បីហៅយួនវាយចូលស្រុកខ្មែរឱ្យមកកម្ទេច #ក្រុមប៉ុលពត វិញ។​ អញ្ចឹងហើយទើបក្នុង #សៀវភៅឃាតករជានរណារបស់លោកតាហិនស៊ីថាន់ សរសេរថា ផែនការណ៍របស់ #ហូជីមិញ ត្រូវបាន ប៉ុលពត កម្ទេចចោលជាបន្តបន្ទាប់រហូតដល់ម៉ត់អស់។

#ពួកអតីតវៀតមិញ ដែលស្ថិតក្នុងជួរខ្មែរក្រហមនោះបាន ស្លៀកពាក់ខោរអាវខ្មៅដូចជាខ្មែរក្រហមអីចឹងហើយពេលដែលវាសម្លាប់ខ្មែរ ទើបធ្វើឱ្យខ្មែរយើង ទាំងបរទេសមើលឃើញនឹងភ្នែកថា គឺខ្មែរសម្លាប់ខ្មែរក្រោមការដឹកនាំរបស់ #ប៉ុលពត ដែលជាហេតុនាំឱ្យខ្មែរយើងមើលមុខមិត្ត មុខសត្រូវមិនយល់។

នៅក្នុងចម្រៀងគំនុំ២០ឆ្នាំរបស់ #លោកតាស៊ីនស៊ីសាមុត ច្រៀងថា: ជំនាន់យៀកមិញ វាទិញវាចាប់ វាតាមសម្លាប់ ឪពុកម្ដាយខ្ញុំ.......។

ដែលចម្រៀងនេះអាចធ្វើជាភស្ដុតាងយ៉ាងសំខាន់ ប៉ុន្តែមកដល់សព្វថ្ងៃ ដើម្បីជួយយួនក្នុងការបំភាន់ភ្នែក និងចិត្តគំនិតកូនខ្មែរ ពួកគេបែរជាខំបង្កើតភាពយន្ត ឬសៀវភៅនិទានរឿងថា ប្រម៉ាត់ប្រម៉ង់កើតចេញពីជាខ្មោច ព្រាយ រហូតដល់ខ្មែរជឿថា រឿងប្រម៉ាត់ប្រម៉ង់ នេះជាទៅរឿងអភិនិហា ស្ទើពេញប្រទេសខ្មែរ ដែលជាហេតុធ្វើឱ្យខ្មែរភ្លេចគំនុំនឹងសត្រូវប្រវត្តិសាស្ត្រខ្លួនឯងអស់រលីង។

Book and Boy ,ព្រាននារីនិងសៀវភៅ

១. ពេលណាស្រីស្អាតកាន់សៀវភៅ ធ្វើឱ្យព្រាននារីមិនហ៊ានមកក្បែរទេ។ កាន់សៀវភៅយូរៗទៅ អ្នកនឹងដឹងថាបុរសបែបណាដែលល្អពិតប្រាកដ ដ្បិតសៀវភៅនឹងបង្រៀនមនុស្សស្រីឱ្យសម្គាល់លក្ខណៈព្រាន និងលក្ខណៈបុរសពិត។ នារីស្អាត គឺជាស្រីដែលមានជម្រើសច្រើនបំផុតក្នុងរឿងស្នេហា។ ជម្រើសច្រើន គឺល្អ ដ្បិតបើយើងមានចំណេះដឹង ដឹងថាបុរសណាល្អ បុរសណាប្រាកដប្រជា ឬបុរសណាចង់លេងសើច។

២. ប៉ុន្តែ ពេលខ្លះជម្រើសច្រើនពេក វានាំបញ្ហាច្រើនដល់ជីវិត បើយើងខ្វះចំណេះដឹងកត់ចំណាំលក្ខណៈសម្គាល់បុរសល្អម្នាក់។ បុរសខ្លះអាចទិញសៀវភៅជូននារីណាម្នាក់ដែលខ្លួនចាប់អារម្មណ៍ តែចូរកុំស្រឡាញ់បុរសណាដែលត្រឹមតែទិញសៀវភៅជូននារី ស្របពេលដែលបុរសខ្លួនឯងមិនមែនជាអ្នកអាន ឬមិនមែនជាអ្នករៀន ឬមិនមានលក្ខណៈជាអ្នកចេះដឹង ឬមិនមានលក្ខណៈជាបុរសស្មោះត្រង់ ឬមិនមានលក្ខណៈជាមនុស្សល្អ។

៣. ទោះរៀនបានសញ្ញាបត្រទាបកម្រិតណាយ៉ាងណាក៏ដោយ តែឱ្យតែកាន់សៀវភៅអាន គឺយ៉ាងហោចណាស់ វាអាចធ្វើឱ្យនារីម្នាក់រើសបានបុរសល្អម្នាក់រួមដំណើរជីវិតដែរ។ “ស្នេហ៍ទី១ ប៉ះលើព្រាននារី។ ស្នេហ៍ទី២ ប៉ះលើប្រុសចិត្តសែនអប្រិយ។ ស្នេហ៍ទី៣ ប៉ះលើប្រុសបោកយកទៅលក់។ កម្មអាក្រក់ [...] ទីបំផុតជីវិតក្លាយទៅជាបិសាចរាត្រី”។ នេះជាទំនុកច្រៀង “ជីវិតបែកជាពីរ” ដែលបានបកស្រាយពីបញ្ហាជីវិតស្នេហារបស់នារីម្នាក់ ដែលជ្រើសរើសបុរសខុសហើយខុសទៀត រហូតដល់ចុងក្រោយ គឺក្លាយខ្លួនទៅជាបិសាចរាត្រី៕

គ្មានមនុស្សណាម្នាក់ ដែលអាចគេចផុតពីការនិន្ទាពីអ្នកដទៃ បាននោះទេ សូម្បីតែតថាគត

ព្រះពុទ្ធសម្ដែងថា: " គ្មានមនុស្សណាម្នាក់ ដែលអាចគេចផុតពីការនិន្ទាពីអ្នកដទៃ បាននោះទេ សូម្បីតែតថាគត " វាជារឿងដ៏គួរឲ្យរីករាយបំផុត នៅពេលដែលយើងបានក្លាយជាមនុស្សល្អម្នាក់តាមរយៈការចែករំលែក( ចំណេះដឹង , ការឲ្យទាន -ល-) ។ ប៉ុន្ដែវាអាចជារឿងរមាស់ត្រចៀកបន្ដិច នៅពេលដែលអំពើល្អរបស់យើងត្រូវបានមនុស្សអាក្រក់មួយចំនួន ចោទប្រកាន់ថាចង់បានមុខមាត់ ឬបង្អួតសេចក្ដីល្អដើម្បីចង់ឲ្យគេសរសើរ ។ ប៉ុន្ដែប្រសិនបើយើងពិតជាធ្វើល្អចេញពីចិត្ដមែន ទោះគេឃើញឬមិនឃើញ គេសរសើរឬនិន្ទា វាមិនសំខាន់ឡើយ សំខាន់យើងបានធ្វើល្អជាក់ស្ដែងពិតៗ ។

ទ្រឹស្ដីពុទ្ធនិយម បង្រៀនទៀតថា " សាងល្អបានល្អ សាងអាក្រក់បានអាក្រក់ " ។ ដាំគ្រាប់ពូជណា នឹងទទួលផលនោះ ។ មនុស្សដែលតែងតែមិនសប្បាយចិត្តនឹងសេចក្ដីល្អរបស់យើង គឺគ្មានអ្វីក្រៅពីច្រណែនយើងឡើយ ។ បើគិតតែបន្ដិចយើងនឹងស្អប់គេ ប្រសិនបើគិតឲ្យជ្រៅបន្ដិច ទើបយើងដឹងថាពួកគេគួរឲ្យអាណិត ។ ។ អាណិតនោះ គឺត្រង់ពួកគេរកក្ដីសុខនៃសន្ដិភាពផ្លូវចិត្តខ្លួនឯងពុំឃើញ នាំឲ្យអាត្មាវង្វេងវង្វាន់បាត់បង់សេចក្ដីសុខផ្លូវចិត្ត ។

ត្រចៀកគេ ភ្នែកគេ ខួរក្បាលគេ អ្វីៗគ្រប់យ៉ាងរបស់គេ នៅលើខ្លួនគេ បើចង់ឲ្យគេគិតដូចយើង ឬធ្វើដូចយើងគឺមិនអាចឡើយ ។ បើឆ្លងកាត់ពាក្យសម្ដីល្វីងមិនបាន យើងក៏មិនអាចទទួលបានរសជាតិផ្អែមនៃជីវិតបានដែរ ។ គេគិតបែបណា ជាការគិតរបស់គេ យើងធ្វើអ្វីជាសិទ្ធិរបស់យើង ។ គ្រាន់តែយើងមិនគិតអាក្រក់ពីគេ មិនចងកម្មនឹងគេ ក៏អាចទុកថាជាមនុស្សល្អម្នាក់បានដែរ ។ ជីវិតធ្វើដំណើរទៅមុខរហូត ពេលវេលាក៏កាន់តែខ្លី តើយើងសល់ពេលប៉ុន្មានដើម្បីខឹងស្អប់អ្នកដទៃទៅ?